بريد المغرب يتصدر صفحات الجرائد وطنيا

كثر الحديث واللغط في الأونة الأخيرة عن قطاع البريد ... فالجرائد والمقاهي والشارع وحتى كواليس مجلسي البرلمان والمستشارين ... مزيان البريد يرجع مشهور ويبقاو الجرائد تيهدرو عليه لكن لوكان بالفايدة ... دابة تخيل داك المواطن البسيط لما غادي يسمع باللي مدراء البوسطة ضربو 5 مليون ديال الدرهم ... شنو غادي يحسابليه....???!!!... راه غده ليه يمشي يحيد فلوسو خوفا لا ياخدوهم حتى هوما ... وهذي ضربة لالصميم فالمشروع اللي ما فتأ مدرائنا المجدون يتحدثون عنه ... جودة خدمة البريد وتحسين الصورة ديالو لن تتأتى فقط عبر تجميل واجهة الإدارة العامة وإنفاق عشرات الملايين في المؤتمرات والإجتماعات .... بل عبر إعطاء صورة مزيانة عن البريد ....

السيد المدير العام مع الإحترم لشخصه عبر عن رأي غير متوقع فالجرائد .... وهو إنصافه للمتعاقدين على حساب البريديين بل ووقوفه امام البريدي المضلوم كما لو ان هذا البريدي هو اللي تيهلك فالمؤسسة ... الملاحض أيضا هو كم المقالات اللتي نشرت على شكل مقابلات مع المدير العام لدرجة ان صفحات وصحفيي بعض الرجائد توالفو السيد المدير فبعد ان كانت الجرائد تقدمه " بالسيد المدير العام لبريد المغرب السيد بنجلون امين التويمي" اصبحت تختصر إسمه إلى "التويمي" بحال إلى توالفوه ... لكن ولف الصحافة صعيب ...

ماشي غير إسم السيد المدير العام اللذي اصبح مؤلوفا فالجرائد كاين أيضا إسم السيد مدير مجلس إدارة بنك البريد السيد نجم الدين رضوان اللذي لا يخلو إسمه من اي حريرة تتجبد فيها البوسطة فالجورنان ... معرفناش واش السيد المدير العام عارف بلي ماشي فصالح المؤسسة وماشي فمصلاحتو هتى هو هاد الصداع الإعلامي اللي نايض ...

راه مؤسسة بريد المغرب أصبحت تذكرنا بفضائح الأحزاب السياسية ... غير الفرق ان رجال السياسة عندهم الحصانة السياسية .... وكثرات الهدرة لدرجة انني رجعت تنلقى مشقة نمشي نشري الجورنان عقب كل إتصال هاتفي من شي صديق تيقولي راه كاتبين شي حاجة "عليكم" ... وتيكون جوابي الدائم "راه عليهم ماشي علينا...." لدرجة ان الدار عمرات بالجورنان هالصباح هالمساء هالنهار فجميع أوقات اليوم كاع ...

اللي تيبقى فينا كبريديين هي تعمار السوارج ... السيد المدير العام قال باللي خاص غير النقابات يجلسو اللرض ويجيو يسمعوليه شوية راه غادي يقنعهم بصواب القرار ديالو ,,,بحال إلى 3 ديال الكتاب العامون تبار كالله مقادرينش يقيمو قرار نهب المال العام تحت ذريعة الإكراميات ... وباللي هاد الناس يستحقو هاد الفلوس اللي نهبوهم ...

اللي تيقرى هاد الكلام والجميع المقابلات اللي أجراها السيد المدير العام تيحس بالالم حيت تيعرف أنه وللأسف مزال معرفش واقع البريديين والضروف المزرية اللي تيعيشو فيها ... ومنين هاكدة البريديين راه قادرين يعرفو براسهم ... البريديين قوة نضالية دخلات إضراب 16 يوليوز وحققات نسبة مشاركة يضرب بها المثل في كل القطاعات 97 فالمئة رغم ان الإدارة حاولات تحتسب الناس اللي فالعطل السنوية كغير مضربين وتنزل من هته النسبة ... البريديين كلهم من داك ساعي البريد لداك المسؤول فالمديرية العامة برهنو ان كلمة بريدي تتسوى الكثير أطر بريد المغرب في الإضراب حملو الشارة وهذي إشارة قوية ...

نحن الأن في حرب حقيقية نعلنها كبريديين ضد كل من تسول له نفسه إستغلال داك عون الشباك وكافة الشغيلة البريدية وتجاهل الثوابت النقابية والإستهزاء من النضال العمالي اللي قدم شهداء كعمر بنجلون ...
La source :
Site officiel de la confédération démocratique du travail (CDT)