سؤال للسيد المدير العام ... ما هي المشاريع اللتي قدمها المتعاقديون ...

Cette fois-ci, ce sont ceux qui ont travaillé assidûment pour le lancement d'Al Barid Bank depuis de longs mois qui ont été sélectionnés», a-t-il précisé. Au total, ils sont quelque 70 salariés porteurs de projets dans divers domaines qui ont pu se distinguer.

كل صباح وقبل مغادرتي المنزل استهل يومي بقرائة مقالة السيد المدير العام اللتي نشرت بجريدة lematin واللتي اقتبست منها جملتي المفضلة .... وكل يوم تنقول معا راسي راه حتى أنا خاصني نخدم باش يعطيوني 20 مليون ديال السانتيم ويمكن شي نهار نبقى نشد 7 ديال المليون بحالي بحال الوزير الأول ... وتنشكر السيد المدير العام اللي صراحة شجعني باش نخدم مزيان ... لكن بغيت نسول السيد بنجلون بحالاش هاد المشاريع اللي جابوها هاد المتعاقدين باش نعرف فين نحفر ... واش هي بعدة مشاريع قدموها للبريد ولا للشي قطاع أخور ... وواش هاد المشاريع ربح فيها البريد شي حاجة ... راه غير عذرني السيد المدير راه من فرط الحماسة اللي فية منين قريت المقالة يديال سيادتكم اللي جالس تنسول .... فالبريد لا شيء مستحيل هاد العبارة والله إلى كاينة ... نقولكم واحد المثال .... كان يا ماكان ... واحد رئيس وكالة بنكية .... دخل للبوسطة كمدير مالي ... شوية شوية رجع مدير قطب ... ودابة باغي يرجع (الله يكمليه بالخير) مدير البانكة كاملة ... هادشي ممكن غير فالبوسطة ... كيف ما راه ممكن تبقى تضرب فالشباك 25 عام وتخرج براتب تقاعد ديال 2500 درهم شهريا .... وكيفما ممكن تدير ما بغيتي طالما راك مزيان مع هامان وفرعون ...

دابة البريد فيه 70 ديال الناس من حملت المشاريع ... ههههه دابة السيد المدير جالس تيوريلينا فولاد خوالنا كيف دايرين .... راه تنعرفهوم أسيد المدير ... والطامة الكبرى هي اننا تنعرفوهم مزيان .... أللهم أسيدي إلى تتقصد المشاريع اللي داروهم على ضهر البوسطة والفيلات اللي بناو ليهم ولعائلاتهم من شحمة المزلوط فهادي حاجة أخرى ....

السيد المدير عندنا طلب واحد فهاد السياق ... "نريد لائحة بالمشاريع المنجزة من قبل المتعاقدين قبل وبعد إلتحاقكم كمدير عام لمؤسسة بريد المغرب" وشخصيا إلى قدمتيلينا مشروع لكل متعاقد ... ونسهل على سيادتكم أسيدي مشروع لكل 2 متعاقدين مستعد نوقف الكتابة كاع وندير واحد الصورة فالدار حدى الصورة ديال الواليد والواليدة مكتوب فيها "عاش السيد المدير العام" .... ولكن بشرط ... يكونو مشاريع نيشان ... حيت راه متجيش تقولينا"Achat licence PowerCard" وتقولينا هذا مشروع ... بغينا مشاريع ديال الصح ...

origine : Site officiel du syndicat (CDT)